Mar 13:32-37 | EweBEE | STEP | “Ke hã la, ame aɖeke menya ŋkeke alo gaƒoƒo si tutu dzi nu siawo ava eme o. Mawudɔla siwo le dziƒo hã menyae o, nye ŋutɔ gɔ̃ ha nyemenyae o, negbe Fofonye ko.

Mark 13:32-37

Ame aɖeke menya ŋkeke la alo gaƒoƒo la o

(Mateo 24:36-44)

32 “Ke hã la, ame aɖeke menya ŋkeke alo gaƒoƒo si tutu dzi nu siawo ava eme o. Mawudɔla siwo le dziƒo hã menyae o, nye ŋutɔ gɔ̃ ha nyemenyae o, negbe Fofonye ko. 33 Esi mienya ɣeyiɣi sia o ta la minɔ ŋudzɔ aɖaba ƒoƒo ɖe sia ɖe.

34 “Nye vava zi evelia asɔ kple ame aɖe si yi nugbe le anyigba didi aɖe dzi. Hafi wòayi la ede dɔ asi na eƒe dɔwɔvi ɖe sia ɖe eye wògblɔ na eƒe agbonudzɔla be wòanɔ ŋudzɔ na yeƒe tɔtrɔgbɔ.

35 “Eya ta minɔ ŋɔdzɔ elabena mienya ɣeyiɣi si aƒea tɔ atrɔ agbɔ o, eɖanye fiẽ alo zã titina alo koklo ƒe atɔkuɣi alo ŋdi kanyaa o. 36 Ale be ne eva kpata la makpɔ mi mianɔ alɔ̃ dɔm o. 37 Nu si megblɔ na mi la, eya ke mele gbɔgblɔm na ame sia me be, ‘Minɔ ŋudzɔ!’”